欢迎访问 单单理财网
你的位置:首页 > 金融资讯 > 正文

【古天后日誌】港股係生係死 又要睇番腾讯

时间: 2019-07-23 14:00:58 | 来源: 单单财经网 |

【古天后日誌】港股係生係死 又要睇番腾讯

  7月18日,天气酷热,有烟霞,又係三十几度热到飞起。美股踏入业绩期之际,又传中美贸易谈判停滞不前,消息拖累美股下跌,三大指数齐挫。其实之前古天后已多次强调,中美贸易谈判,并唔会因为G20嘅特习会就顺风顺水,尤其侵侵份人反覆无常,今日口口声声好朋友,隔几日又话关係疏离难握手。早两日侵侵又跳制指随时可以再徵加对华关税,呢一句话犹如向停滞中嘅中美贸易谈判,再泼一盘冷水。

  至于港股ADR及夜期均见下跌,按比例计算,ADR更重返28400水平之下,目前恒指于新加坡黑期亦较上日收市跌逾200点,于28300水平之上徘徊。而港股近日一直缺水,主要係全球减息量宽或重临,资金流入债市,令港股未能受惠减息预期,而获资金流入,维持缺水状况。其实今年以嚟,资金持续从股票市场流出,美股即使屡创新高,呢个状况未有改变。一旦美企盈利表现有乜冬瓜豆腐,美股难免迎来一轮较大幅度调整。

  只不过美国联储局主席鲍爷频频放鸽,最近再喺G7晚宴上重申,採取适当行动保持美国经济增长,增加减息机会,令美国嘅投资者有信心市场资金充裕,令美股长升长有。相反港股就被动得多,除咗港股跟美股相关系数早已大减,反而受A股影响更大,而港股长期缺水,即使美息回落,资金亦情愿驻足美股,未肯押注港股,跟港股面对外忧内患有莫大关连。

  炒股唔炒市係呢期唯一出路,只係呢条路亦非畅通无阻,除咗物管股及医药股算係长升长有之外,其他板块炒作短瘾非常,亦未见有好多板块百花齐放,难怪港股缸边友愈炒愈灰。近期就连火车头腾讯(00700) 股价及相关新闻 亦无乜起色,375元呢个阻力一直未能突破,而下面350元呢个支持暂时仍算守得住,若然港股係成也腾讯,败也腾讯的话,睇住腾讯呢两个位,亦可猜测港股方向。

  7月份港股已行咗一半时间,余下半个月港股係好係丑,要睇腾讯能否突破375元阻力,而恒指较大阻力大约係29200点。短线阻力方面,仍然係28600至28800呢个位,港股要突破樽颈,先要冲破28800呢个关口,否则大市呢次反弹浪,可能就喺100日线28640行人止步。同样地腾讯一旦失守350元,是次反弹浪亦告一段落。

  至于古天后早已于5月份推介嘅地铁(00066) 股价及相关新闻 近日高处未算高,唔少粉丝之前未有上车,问家下能否继续高追。其实地铁嘅特点就係攻守兼备,盈利能力平平嘅铁路业务有一定防守力,即使经济麻麻,亦为集团提供稳定收入来源。而铁路上盖及周边物业发展,销售成绩一向有保证,地产发展业务长搵长有,君不见港楼价格一直高居不下。地铁守得又打得,暂时真係无另一股份可以完全替代,亦係吸引资金停留及流入嘅主要原因。已经升穿顶嘅地铁,暂时古天后都唔会去估顶,但以5元一步,10元一关嘅目标推进,60元呢个位都算係短期目标。

  古天后

  (徐狄怡,证监会持牌人 汇盈资产管理 董事总经理)

新闻标题: 【古天后日誌】港股係生係死 又要睇番腾讯
新闻标签: 教育经费(1)
Top